Laçi i shkakton humbje të hidhur Vllaznisë, Egnatia bën “paqe” me Teutën

Vijojnë surprizat në Kategorinë Superiore edhe këtë fundjavë. Laçi ka arritur një fitore 2-0 ndaj Vllaznisë falë dy golave të shënuar nga sulmuesi Guindo.

Ishte kapiteni Gurishta gaboi rëndë në minutën e 32-të, kur provoi të driblojë dy kundërshtarë si mbrojtës i fundit, por Guindo i rrëmbeu topin dhe shkoi i pashqetësuar drejt portës, për ta dërguar në rrjetë.

Në minutën e 43-të, kurbinasit zbritën me një tjetër kundërsulm të shpejtë me dyshen Babatunde-Guindo, ky i fundit e dërgoi topin sërish në rrjetë. Laçi u falet tre pikëve për t’u larguar disi nga zona e ftohtë dhe Vllazninë që mbetet në kuotën e 37 pikëve dhe komplikon objektivin për një vend në zonën europiane.

Ndeshja tjetër e javës së 26 të Superiores mes Egnatias dhe Teutës, u mbyll në barazim 1-1. Në “Arena Egnatia” ishin vendasit që morën avantazhin të parët, me anë të mesfushorit Kasa në minutën e 26’.

Megjithatë durrsakët ia dolën të rikthejnë baraspeshën vetëm 12 minuta më vonë me sulmuesin shkodran Ildi Gruda, ndërsa Kallaku humbi një penallti në shtesë, duke bërë që rezultati të mbetej i pandryshuar.

Me këtë barazim, Egnatia merr e vetme vendin e tretë, me 38 pikë, ndërsa Teuta mbetet në vendi ne 7, me 34 pikë të grumbulluara.