Liverpuli synon trofeun e Championsit, Salah prish agjerimin para finales

Mohamed Salah nuk do të agjërojë për finalen e Champions League. Ylli egjiptian kërkon të jetë në formën më të mirë fizike, teksa lajmi është konfirmuar fizioterapisti i skuadrës së futbollit.

Ai është një mysliman i devotshëm dhe ka ndjekur rregullat e Islamit, duke përfshirë edhe agjërimin, pra nuk ka ngrënë ushqime e nuk ka pirë lëngje gjatë orëve që ndalohen, prej datës 16 maj. Salah ka vendosur që të kthehet në rutinën e zakonshme të tij në mënyrë që të mos ketë asnjë justifikim për përballjen ndaj Realit.

Ruben Pons, fizioterapisti i Salah, ka bërë me dije se Salah agjëroi në Marbella për këtë supersfidë, por në dy ditët përpara finales së Champions-it është vendosur një plan i ri për yllin e skuadrës angleze. “Të enjte, të premte dhe të shtunë nuk ka agjërim për sulmuesin”, ka thënë ai për “CadenaSer”.