Lojtari i javës në Champions nuk është Ronaldo, por ylli i Liverpulit

Kristiano Ronaldo shkëlqeu ndaj Juventusit duke shënuar dy gola, teks njëri prej tyre ishte spektakolar, por kjo nuk ka mjaftuar për t’u shpallur futbollisti i javës në Champions. I përzgjedhuri është Mohammed Salah.

Sulmuesi i Liverpulit ishte ai që mori më shumë vota në sondazhin e publikuar në faqen zyrtare të kompeticionit më të rëndësishëm në botë për klube. Salah grumbulloi 57% të votave, ndërsa ylli i Realit vetëm 35%. Në vend të tretë u rendit James Rodriguez i Bayern Mynih (5%).

Duket se tifozët kanë vlerësuar më shumë ndeshjen e shkëlqyer të Salah ndaj City-t sesa golat e Ronaldos në Torino.