Mbi 500 milionë euro shpenzime në merkato në 5 sezonet e fundit, ja shifrat e frikshme të katastrofës së Juventusit

Sporti E Enjte, 13 Tetor 2022 16:29

“Gazzetta dello Sport” ka bërë një bilanc shumë interesant për merkaton e Juventusit në 5 sezonet e fundit. Në verën e vitit 2018, bardhezinjtë u përpoqën që të përmirësonin cilësinë e ekipit duke afruar Cristiano Ronaldon.

Që nga ajo ditë janë shpenzuar 455 milionë euro në merkaton e transferimeve, dhe duke i shtuar mi 90 milionë euro shpenzime për pagat, atëherë totali e kalon shifrën e gjysmë miliardi euro.

Shpenzime, të cilat në fakt nuk kanë gjetur rritje në nivelin e rezultateve sportive. Juventusi nuk ka fituar asgjë në dy sezonet e fundit, as në kampionat dhe as Champions, ku nuk ka shkuar as përtej çerekfinaleve.