Mediat rumune: Ndaj Shqipërisë, për “jetë a vdekje”

Mediat rumune e kanë cilësuar si për “jetë a vdekje” ndeshjen përballë Shqipërisë të vlefshme për grupin A.

Ndeshja luhet ditën e nesërme në Lion në orën 21:00. Mediat rumune flasin për avantazhet që ka ekipi i tyre përfaqësues përballë lojtarëve të De Biasit.

Performancën e mirë të shqiptarëve, rumunët e konsiderojnë si avantazh pasi sipas tyre, kuqezinjtë kanë harxhuar shumë energji për të mbajtur një rezultat pozitiv sidomos në ndeshjen me Francën.

Gjithashtu gazetat sportive rumune shkruajnë se kombëtarja shqiptare nuk është mësuar të luajë ndeshje të një niveli të tillë kaq të shpeshtuar, 1 ndeshje në 4 ditë.

Rumania vjen në sfidën me Shqipërinë me një barazim përballë Zvicrës dhe ka 1 pikë. Nga rezultati që do ketë me Shqipërinë varet dhe e ardhjma e trajnerit Jordanesku.