Mesi: Shpresoj që Nejmar të rikthehet, Grizman lojtar i madh

Lionel Mesi kërkon që të luajë sërish me Nejmar në sezonin e ardhshëm. Nga grumbullimi i kombëtares albiceleste për Kupën e Botës Rusi 2018, ylli argjentinas ka shprehur dëshirën që të mos transferohej te Los Blancos por madje të rikthehej te Barcelona.

“Sigurisht që nëse do të ishte e mundur do të më pëlqente që Nejmar të rikthehej. Nuk do të më pëlqente aspak që ta shihja te Reali. Është një futbollist i jashtëzakonshëm dhe ta kishim sërish me ne do të ishte diçka fantastike. Në fakt e shikoj si shumë të vështirë që diçka e tillë të ndodhë, por nëse do të ishte mundësia do të më pëlqente.

Grizman? E kam thënë gjithmonë që me lojtarët e mëdhenj është e thjeshtë për t’i kuptuar, dhe kështu ndodh edhe me të. Ai po kalon një moment të jashtëzakonshëm në karrierën e tij, do të jetë diçka e vështirë, por me siguri që do ta gjenim”, deklaroi Lionel Mesi.