Mourinho tallet keq me Igli Taren pasi Lazio kaloi në Europa League

Sporti E Premte, 4 Nëntor 2022 11:45

Lazio e Igli Tares u eliminua nga Europa League dhe tashmë do të vijojë aventurën në Conference League. Rënia në kompeticionin e tretë për klube në Europë ka sjell dhe ironitë e shumta në drejtim të drejtorit shqiptar të bardhekaltërve.

Para 3 javësh, Tare deklaroi Conference League është për humbës të tillë si Roma, por tashmë ekipi i tij do të duhet të luajë në të njëjtën kompeticion me Mourinhon.

Strategu portugez, si mjeshtër për batuta nuk i kurseu menjëherë thumbime ndaj Tares pas kualifikimit ndaj Ludogorets mbrëmjen e djeshme.

“Lazio është favorite për mua. Ata kanë trajner, lojtarë dhe ekip për ta fituar këtë trofe. Problemi do të jetë tek Igli Tare që nuk i pëlqen këtë kompeticion”, tha Mourinho.