Murinjo bën gati 85 milionë euro për yllin e Juventusit

Dugllas Kosta ka zhvilluar një sezon të shkëlqyer te Juventusit, duke u përshtatur shumë shpejt me kampionatin italian. Bardhezinjtë do të blejnë kartonin e tij me vlerë 46 milionë euro, pasi braziliani ishte në formë huazimi.

Sipas mediave angleze për sulmuesin e krahut i cili shumë shpejtë do të jetë në pronësi të torinezve, ka një interesim të madh të Mançester Junajtid. Zhoze Murinjo është i gatshëm që të shpenzojë shifrën e 85 milionë eurove për ta pasur në ekip. Një operacion që do të sillte rreth 40 milionë euro plus në arkat e bardhezinjve, por që duket i pamundur për t’u realizuar, duke qenë se ai futbollist thelbësor. /Koha Jonë/