Perin kryen sot vizitat mjekësore me Juventusin, mungon vetëm firma

Matia Perin është futbollisti më i ri i Juventusit. Portieri i Xhenoas ka lënë hotelin në grumbullimin e Kombëtares, dhe ka shkuar në qendrën e vizitave mjekësore “J|Medical” të bardhezinjve.

Drejtori Sportiv i torinezëve, Marota ka rënë dakord me presidentin  Xhenoas për transferimin në shifrën e 15 milionë eurove, plus bonueset nga arritje të ndryshme.

Në këtë mënyrë kampionët e Italisë kanë gjetur pasuesin e Bufon, teksa të hënën në mbrëmje ai ishte titullar në miqësoren e Italisë ndaj Holandës, duke bërë një paraqitje shumë të mirë. /Koha Jonë/