Plani i Ançelotit, gati të transferojë një yll dhe të lërë Hysajn në stol

Me largimin e Kristian Maxhios, pas 10 vitesh te Napoli, klubi i të kaltërve po mendon për një tjetër mbrojtës krahu për t’i bërë rivalitet të fortë Hysajt. Sipas “Corriere dello Sport”, përveç Toljan i Borusias së Dortmundit, në orët e fundit është shtuar edhe emri i Kimish nga Bajerni i Mynihut.

Ai është një titulluar i padiskutueshëm te skuadra gjermane, ndërkohë që ka një marrëdhënie të veçantë me trajnerin Ançeloti. Një lajm aspak i mirë për Hysajn që mund të përfundojë në stol.

Në rolin e mbrojtësit qendror pëlqehet Davide Luiz, teksa mund të merret në një marrëveshje për të çuar trajnerin Sarri në Londër. /Koha Jonë/