Ramos mesazh për Zidane: Ike në majën më të lartë, edhe si trajner

Gjithë bota e futbollit po reagon për largimin e Zidane nga drejtimi i Realit. Këtë here është Serxho Ramos që me një postim në Instagram ka përshëndetur, tashmë ish-trajnerin e tij.

“Si lojtar, e tani si trajner vendose të largohesh kur je në majën më të lartë. Faleminderit për dy vjet e gjysmë të futbollit, punës, dashurisë dhe miqësisë. Ju largoheni, por trashëgimia juaj tashmë është e pashlyeshme. Një nga kapitujt më të suksesshëm në historinë e Real Madrid”, shkruan Serxhio Ramos.

Ende nuk dihet destinacioni i ardhshëm i strategut francez, teksa ai mund të qëndrojë edhe për një kohë të gjatë pushim.