Riberi braktis Bajernin në fund të sezonit, ja destinacioni i ri

Frenk Riberi me shumë mundësi është duke zhvilluar sezonin e fundit me Bajernin e Mynihut. Drejtuesit e klubit gjerman nuk kanë ndërmend t’i rinovojnë kontratën 35-vjeçarit, që i skadon në verën e këtij viti.

Gjithsesi duket se francezi e ka pranuar këtë fakt dhe ka gjetur klubin e ardhshëm, ku do të vijojë karrierën. Bëhet fjalë për klubin e Arabisë Saudite, Al Ittihad, të cilit Riberi do t’i bashkohet këtë verë për të vijuar karrierën.

Duhet theksuar se Riberi luan te Bajerni që prej 2007-ës, periudhë në të cilën ka fituar shumë tituj kampionë në Gjermani, por edhe Champions Leaguen, ndërkohë që në disa raste ka refuzuar oferta të ndryshme nga klubet europiane.