Riçardo triumfon në Montekarlo, lë pas Vetel dhe Hemilton

Daniel Riçardo është fitues i Çmimit të madh të Montekarlos. Piloti australian i Red Bull tregoi se do të ishte pretendenti kryesor për të fituar në këtë pistë, pasi arriti edhe Pole position-in duke vendosur rekord.

Menjëherë pas tij përfundoi piloti gjerman i Ferrarit, Sebastian Vetel, që menaxhoi mirë një garë, ku në shumicën e kohës pati pas vetes britanikun Leuis Hemilton. Ky i fundit e mbylli garën në vendin e tretë, i ndjekur nga Raikonen dhe shoku i tij i skuadrës, Valteri Botas.

Pas 6 garash, kryesimin për pilotë e mban Hemilton, tashmë në kuotën e 110 pikëve, ndërsa ndiqet nga gjermani i Ferrarit, Sebastian Vetel, me 96 pikë.