Ronaldo: Ja pse u largova nga Barcelona për të shkuar tek Interi

“Fenomeni” Ronaldo kaloi një sezon magjik në1996-1997, duke shënuar 34 gola në 37 ndeshje. Gjithsesi braziliani vendosi të largohej nga skuadra katalanase pas vetëm një sezoni dhe filloi një aventurë të re tek Interi.

Në vitin e tij të parë zikaltër shënoi 25 gola në 32 ndeshje, përpara se të niste seria e dëmtimeve të rënda në gju. Ronaldo e shpjegoi kështu vendimin për të braktisur Barçën:

“Po negocioja rinovimin e kontratës, por vendosa të mos vazhdoja më aty pasi nuk kisha aspak besim te drejtuesit e Barcelonës. Interi u interesua në momentin e duhur dhe ishte një sfidë fantastike për mua. Atëherë, kampionati italian ishte më i miri në botë dhe më i vështiri. Ishte vendimi më i mirë që mund të merrja”, u shpreh Ronaldo.