Ronaldo nuk është golashënuesi më i mirë në Botëror, më shumë janë shënuar …

Cristiano Ronaldo gjeti përsëri rrugën e rrjetës në ndeshjen kundër Marokut dhe, falë golave në ndeshjen e parë me Spanjën, portugezi renditet i pari në listët e golashënuesve me katër realizime. Me gjithë ecurinë e tij, CR7 nuk mund të mbajë kreun e këtij klasifikimit, pasi në “Rusi 2018” mbreti i rrjetave janë autogolat.

Plot pesë herë, futbollistët kanë shënuar në portën e gabuar, teksa gabimet kanë vijuar edhe nga pika e bardhë, ku dy lojtarë nga tetë kanë humbur penalltitë. Duke parë ecurinë e golave në Botëror, Ronaldo nuk ka përse mërzitet, për më tepër që vetëm 20 nga 42 golat “rusë” kanë ardhur nga aksione të rrjedhshme loje.