Rusia në alarm, ka mbaruar birra në lokale …

Nuk është shaka! Gjatë Kupës së Botës 2018 në Rusi birra po u mbaron lokaleve dhe pub-eve të Moskës. Normalisht duhet të ketë rreth dhjetë lloje birrash, por së fundmi për shkak të fluksit të madh kanë mbetur vetëm dy ose tre. Pronarët e parë të pijetoreve tashmë kanë frikë se do të jenë plotësisht bosh pas fazës së grupit. Birrat shumë të njohura nga jashtë nuk janë aq të shpejta për t’u blerë.

Pronarët e pub-ve kurrë nuk kishin pritur një sulm të tillë tifozësh. Çdo bar në qendër të Moskës është i mbushur me tifozë çdo natë, ndërsa në shumë qytete të tjera të Kupës së Botës janë bosh. Një pronar i një lokali ëhstë shprehur: “Tifozët po na harxhojnë të gjithë birrën. Nuk e dinim që tifozët e huaj do të konsumonin kaq shumë birra. Verë dhe vodka kemi pa fund, por birra po na mbaron. Është e pabesueshme sesa pinë tifozët nga Amerika Latine dhe Anglia në një mbrëmje”.

Dhjetëra mijëra meksikanë, argjentinas, peruan dhe brazilian, si dhe gjithnjë e më shumë anglezët kanë pushtuar zonën rreth Sheshin e Kuq që prej 10 ditësh. Blloqe të tëra të rrugëve janë pjesërisht të kalueshme, sepse tifozët këndojnë, vallëzojnë, festojnë dhe sidomos pinë. Vodka edhe pse ka me shumicë, nuk është një pije që preferohet shumë nga tifozët e ardhur.

“Shpresa jonë e vetme është që amerikano-jugorët dhe anglezët të skualifikohen shpejt. Përndryshe ne do të përjetojmë një rënie të madhe”, u shpreh pronari i një lokali. /Koha Jonë/