Sampaoli i del në krahë Messit: Nuk është vetëm faji i tiji!

Nesër në mbrëmje Argjentina do të luajë një ndeshje shumë të rëndësishme ndaj Kroacisë që do të vendosë shumë për fatin e tyre në Kupën e Botës. Trajneri Jorge Sampaoli është munduar të heqë presionin nga Messi në prag të ndeshjes së dytë.

“Është gabim nëse mendojmë se e gjithë përgjegjësia është e Messit.  Kur Messi shënon, të gjithë festojnë. Nëse nuk fitojmë, atëherë ia ngjisin atij fajin. Formacioni? Nuk mund t’i them të gjithë emrat këtë herë, nuk kam folur akoma me lojtarët.

Ky Botëror ka treguar se nuk fitojnë gjithmonë ata skuadra që janë favorite në letër. Ndeshja ndaj Kroacisë është shumë e vështirë, sidomos për një ekip si ne, që akoma nuk kemi gjetur identitetin tonë”, deklaroi Sampaoli në konferencën për shtyp.