S’do ta besoni se si i motivoi Murinjo lojtarët e tij për të bërë përmbysjen e madhe në derbi

Jose Murinjo e ka përmbysur me pak fjalë derbin ndaj Mançester Sitit. Nuk e besoni? Ka qenë mbrojtësi Kris Smollin që vendosi fitoren e “Djajve të Kuq”, ai që ka zbuluar fjalët e strategut portugez në pushimin e ndeshjes, pasi 45 minutat e para u mbyllën në shifrat 2-0.

“Në fundin e pjesës së parë ishim të zhgënjyer, donim që të riktheheshin menjëherë në fushë me krenari, dhe atë që arritëm e merituam. Si ju motivoi Murinjo? Gjatë pushimit, ai nuk na foli shumë, por tha një fjalë që la shenjë dhe na tronditi. ‘Nuk duhet të jemi kloun që qëndrojmë në këmbë për të parë se si Siti feston titullin’. Fjalë që na dhanë karikim”, ka thënë mbrojtësi duke treguar dhe sekretin e përmbysjes së madhe. /Koha Jonë/