Shorti i “buzëqesh” Kukësit, “peshkon” ekipin maltez

Në Nion të Zvicrës është hedhur shorti i Ligës së Kampionëve për turin e parë, teksa Kukësi ka mësuar rivalin. Goglat i vendosën përballë një kundërshtar relativisht të lehtë, duke qenë se do të ndeshet me maltezët e Valetas.

Shorti mund të konsiderohet i lehtë, pasi Valeta nuk ka eksperiencë në Champions League. Ndeshja e parë do të luhet në stadiumin “Loro Boriçi” të Shkodrës në datën 10 ose 11 korrik, ndërsa ndeshja e kthimit do të luhet një javë më vonë në Maltë.