Shpërthen Klopp: City blen këdo, financohet nga milionat e tregut të naftës

Trajneri i Liverpool, Jurgen Klopp, tha në konferencën për mediet në prag të super sfidës me Manchester City-n se dy skuadrat në fjalë kanë një ndryshim të madh mes tyre sa i përket aspektit financiar. Sipas strategut gjerman City merr kë lojtar të dojë pasi nuk kufizohet në shpenzime.

“Nuk do të pëlqeni ta dëgjoni këtë, por e vërteta është se askush në Premier League nuk mund të konkurrojë me të. Manchester City është një klub i financuar nga milionat e tregut të naftës. Ata mund të bëjnë çfarë të duan, pavarësisht Fair Play-t financiar.

Nëse u pëlqen një lojtar, pavarësisht se sa shumë kushton, ata thjesht e marrin atë. Ne jo, ne nuk mund të bëjmë të njëjtën gjë. Askush nuk thotë se është e paligjshme, por është. Ata do të përpiqen të justifikohen, por është. Dikush në Neëcastle tha se nuk kanë tavan financiar. Urime! Duhet të merremi dhe me të tani”, deklaroi Klopp.