Shqipëria U 19 fiton “vëllazëroren” e parë ndaj Kosovës

Shqipëria e U 19 ka fituar miqësoren e parë ndaj Kosovës të luajtur sot në stadiumin “Elbasan Arena”. Kuqezinjtë e drejtuar nga Bogdani fituan me rezultatin 2-1, falë dopietës së Pashës. Ndërsa golin e vetëm për kosovarët e shënoi nga pika e bardhë e penalltisë, Limani.

Kjo ishte miqësorja e parë për 19-vjeçarët midis këtyre dy përfaqësueseve pasi në datën 26 mars, në “Loro Boriçi” është përcaktuar të luhet dueli i dytë mes Shqipërisë dhe Kosovës, ku të dy trajnerët do të provojnë të gjithë lojtarët e grumbulluar.