Shqipëria U-21 e pafuqishme, mposhtet pastër nga Bosnja

Kombëtarja U-21 e drejtuar nga trajneri Alban Bushi është mundur me rezultatin 0-2 në miqësoren e luajtur sonte në mbrëmje në ‘Elbasan Arena’ ndaj përfaqësueses U-21 të Bosnje-Hercegovinës.

Kuqezinjtë e drejtuar nga Bushi pësuan golin e parë që në minutën e 11’ të pjesës së parë pas goditjes së Dujakovic, e më pas Kuzmanovic dyfishoi shifrat në të 82-tën.

Përpjekjet e shpresave nuk kanë rezultuar me sukses në këtë miqësore, ndonëse futbollistët treguan shumë dëshirë dhe grintë për ta fituar miqësoren.

Për kuqezinjtë 21-vjeçarë ka edhe dy ndeshje të tjera miqësore në program në muajin Qershor, ndërsa rezultati është shndërruar në makth për ta, pasi nuk fitojnë prej disa takimesh.