Sulmuesi serb për shqiptarët e Zvicrës: Nëse janë aq patriotë, pse s’luajnë për Kosovën?

Sulmuesi Serb, Aleksandar Mitrovic ua ka parashtruar pyetje futbollistëve shqiptarë të Zvicrës: Pse nuk luajnë për Kosovën, meqë janë aq patriotë?”.

Reagimi i tij vjen pas disa paraqitjesh patriotike të yjeve si Xherdan Shaqiri dhe Valon Behrami, përcjell Klan Kosova.

E ndërsa i pari ka flamurin e Kosovës në njërën prej këpucëve të futbollit, ky i fundit ka po këtë flamur tatuazh në trup.

“Nëse janë kaq patriotë, pse nuk luajnë për vendin e vet në vend se të luajnë për Zvicrën?”, ka pyetur sulmuesi Aleksandar Mitroviç, sipas një artikulli të publikuar nga Fox News.