Testi i dopingut, CAS i heq medaljen e artë olimpike Usain Bolt

Atleti xhamajkan, Nesta Carter ka humbur  betejën e tij në gjykatën sportive “CAS” duke humbur kështu dhe medaljen e arit në lojrat olimpike  “Pekin 2008”.

Një vendim që prek dhe yllin e këtij sporti, Usain Bolt, pjesë e kombëtares Xhamajkane sëbashku me Carter.

Lajmi është konfirmuar nga vetë Gjykata e Arbitrazhit Sportiv (Cas) që thekson:

“Testi i dytë i analizave konfirmoi praninë e metilhekanamines. Ne nuk pranojmë asnjë nga argumentet e ngritura nga Nesta Carter duke pretenduar se rezultatet e testimit duhet të injorohen ose se vendimi duhet ndryshe të përmbyset për disa dështime të supozuara. Rrjedhimisht, kolegji Cas ka hedhur poshtë ankesën dhe vendimi është konfirmuar.“-thuhet në komunikatën e CAS-it.

Ekipi i Xhamajkës përbëhej nga Carter, Bolt, Michael Frater dhe Asafa Powell. Carter ishte gjithashtu pjesë e ekipit në stafetën “4x100m” në Londër, pesë vjet më parë dhe ndihmoi që Xhamajka të fitojë në Kampionatin Botëror në vitet 2011, 2013 dhe 2015.