Tifozi i “çmendur” mbulon makinën me 15 mijë foto Panini (FOTO LAJM)

Një fanatik i Kupës së Botës ka vendosur që të mbulojë makinën e tij me 15 000 foto Panini të futbollistëve për të hyrë në atmosferën e Botërorit “Rusi 2018”.

Braziliani Henrike Pedroti i ka ngjitur fotografitë e futbollistëve në Volksvagenin e tij “Beetle” dhe do t’i mbajë aty deri kur të përfundojë turneu. Firma italiane Panini ka nisur të prodhojë foto futbollistësh që nga viti 1961, ndërsa albumet e Kupës së Botës ka nisur t’i nxjerrë në treg duke nisur nga viti 1970.

Marka Panini sot vlen rreth 700 milionë euro, ndërsa albumet e vjetra të plotësuara dhe në gjendje të mirë shiten për koleksionistët me një çmim prej 1500 eurosh.