Tjetër goditje e rëndë, ylli i Bayernit humbet Kupën e Botës për shkak dëmtimi

Nuk kanë fund lajmet e këqija në prag të Botërorit në Katar.  I fundit që ka humbur pjesëmarrjen në Botëror është Sadio Mane. Ylli i Senegalit, i cili u transferua në merkaton e verës te Bayern Munchen, dëmtoi tendinën në fitoren 6-1 ndaj Werder Bremenit.

30-vjeçari u detyrua të largohej nga fusha në minutën e 20-të për t’i lënë vendin Leroy Sane. Dëmtimi i pësuar të martën në mbrëmje do e mbajë disa javë larg fushave sulmuesin, i cili duhet ta shohë eventin nga shtëpia.

Senegali humbet në këtë mënyrë lojtarin më të rëndësishëm në Katar 2022, teksa kujtojmë që janë në grup me Holandën, Katarin dhe Ekuadorin.