Trajneri i Portugalisë, Santos: Vuajtëm shumë, duhet të korrigjojmë lojën!

Portugalia mori një fitore shumë të rëndësishme ndaj Marokut, në ndeshjen e dytë të Botërorit, falë një goli të Cristiano Ronaldos. “Brazilianët” e Europës në fakt vuajtën shumë, pasi marokenët kishin mundësi të shuma për shënim. Edhe trajneri i luzitanëve, Fernando Santos, e ka pranuar se ekipi i tij ka vuajtur shumë.

“Ishte e rëndësishme për të fituar, por duhet ta analizojmë mirë këtë ndeshje. E kemi nisur në mënyrën më të mirë, me një gol të shpejtë, por pastaj kemi humbur kontrollin dhe nuk kemi mundur ta trajtojmë lojën.

Skuadra ishte shumë statike, e vuajti presionin e kundërshtarit. Në kohë të caktuara të lojës duket se e humbnim besimin dhe filluam të rikthehemi shumë poshtë. Ne do të duhet ta korrigjojmë këtë situatë”, ka thënë Santos.