Tuchel prezantohet: Bayerni e ka në ADN fitoren dhe përkushtimin!

Thomas Tuchel është prezantuar këtë të shtunë si trajner i Bayern Munich. Ish-trajneri i Chelsea-t mori drejtimin e bavarezëve pas shkarkimit të Julian Nagelsmann ditën e djeshme, e premte, ndërsa ishte pa skuadër që prej shtatorit.

Duke folur gjatë prezantimit në krye të kampionëve të Gjermanisë, Tuchel theksoi se AND-ja e Bayern-it ka të bëjë me fitoren dhe përkushtimin.

“Kur nënshkruan një kontratë me FC Bayern, është një nder i madh. Falënderimet e mia, për besimin që treguan tek unë shkojnë për Oliver Kahn, Hasan Salihamidzic, Herbert Hainer dhe Uli Hoeness. Kur punon jashtë vendit për një kohë të gjatë, bëhesh edhe më i vetëdijshëm për rëndësinë e Bayern. ADN-ja e klubit ka të bëjë me përkushtimin.

Bayern ka të bëjë me fitoren, gjithashtu me mënyrën e fitores. Skuadra është një nga skuadrat më të talentuara dhe më të mira në Evropë. Pres që të ecim përpara me këtë skuadër”, tha Tuchel.