U dëmtua ndaj Tunizisë, Anglia humbet një yll për sfidën me Panamanë

Nuk ka aspak lajme të mira për Anglinë në prag të ndeshjes së dytë, që “Tre Luanët” do ta luajnë ndaj Panamasë të shtunën në stadiumin “Nizhny Novgorod”. Dele Alli me shumë mundësi që të mos luajë për shkak të një dëmtimi të pësuar në fitoren 2-1 ndaj Tunizisë.

Ylli i Tottenhamit, u dëmtua në minutën e 80-të, teksa ndjeu një tërheqje e lehtë muskulore, duke dalë nga fusha e lojës për të mos rrezikuar më shumë. Kontrollet mjekësore treguan se ai ka nevojë vetëm për dy ditë pushim, por logjikisht trajneri Southgate nuk do të rrezikojë aktivizimin e tij kundër Panamasë, një kundërshtarë i lehtë në letër. Vendin e tij pritet që ta zërë Fabian Delph.