U la jashtë Botërorit, Ibrahimoviç shpërthen: Unë e di si fitohet, më besoni!

Zlatan Ibrahimoviç nuk e ka përtypur dot faktin se nuk do të jetë me Suedinë në Kupën e Botës. 36-vjeçari është mjaft i mërzitur me vendimin e Federatës Suedeze të Futbollit për të mos e grumbulluar.

“Të gjithë lojtarët më të mirë në botë janë atje, por Zlatani jo… duhet të ishte. Ky është mentaliteti i medias suedeze. Nuk kam një emër tipik suedez, nuk kam sjelljen e një suedezi, por sërish kam rekordin në kombëtare. Të luash në Botëror është diçka e madhe, sepse konsiderohet festa më e madhe në futboll.

Unë kam fituar shumë trofe. Kam luajtur me Ajaksin, Juventusin, Interin, Barcelonën, Milanin, PSG-në, Mançester Junajtid dhe tani me Los Anxheles Galaksi. Nëse nuk je një futbollist që bashkëpunon me shokët e skuadrës, pra je individualist ose egoist, si është e mundur që luan me ekipet më të mëdha dhe fiton gjithmonë? Unë e di si fitohet, më besoni! Dhe e bëj shumë mirë”, ka thënë bomberi suedez, të cilin nuk do të kemi mundësi që ta shohim në eventinmë të rëndësishëm.