Zeneli: Ndeshje speciale, nuk e di nëse jam gati për Seria A

Arbër Zeneli ishte njeriu i miqësores së Kosovës të fituar në shifrat 3-0 ndaj Shqipëri. Në një prononcim pas ndeshjes për mikrofonin e Zeneli u shpreh i lumtur për dy golat e shënuar.

“Ishte një ndeshje speciale. Kemi luajtur shumë mirë si ekip. Gjithmonë presim fitore. I kemi shfrytëzuar rastet dhe shënuam 3 gola. Kam luajtur lojëra të mira dhe të këqija. Sot ka qenë loja më e mirë për mua dhe për ekipin. Unë luaj lojën time. Më kanë dhënë raste shumë të mira. Bëj gjënë që di të bëj më mirë. Hysaj është një lojtar shumë i mirë, luan në klub fantastik. Sot e fituam lojën si ekip. Nuk e di nëse jam gati për Serinë A, të shikojmë”, ka thënë Zeneli.