Zyrtare/ Doli pozitiv me doping, Guerrero do të luajë në Kupën e Botës

Paolo Guerrero do të luajë në Kupën e Botës që do të luhet këtë verë në Rusi. Gjykata Zvicerane e Drejtësisë lëshoi ​​një komunikatë në të cilën shprehet se përkohësisht është pezulluar vendimi që ai të mos luante në Rusi.

Disa ditë më parë, ai mori një goditje shumë të rëndë pasi CAS në Lozanë konfirmoi skualifikimin 14 mujor për përdorim dopingu dhe kjo do të thotë se ai nuk do të kishte mundësinë për të luajtur në Kupën e Botës.

Hugo Lloris, kapiten i Francës, Simon Kjaer, kapiten i Danimarkës dhe Mike Jedinak, kapiteni i Australisë, firmosën një peticion ku i kërkuan që FIFA të lejojë Guerrero të luajë në Rusi.