Zyrtare/ Ilir Daja merr drejtimin e Flamurtarit për sezonin e ardhshëm

Tashmë nuk ka më asnjë dyshim, Ilir Daja do të jetë trajneri i Flamurtarit në sezonin e ardhshëm. Një akord i tillë kishte kohë që po qarkullonte në mediat sportive, por zyrtarizimi ka ardhur vetëm në ditën e sotme.

Faqja e vlonjatëve në “Facebook” ka njoftuar nënshkrimin e kontratës së re për Ilir Dajën, i cili ka qenë në ditën e sotme i pranishëm në ambientet e klubit të Flamurtarit. Daja njihet si një trajner që sjell sukses në ekipet ku shkon, teksa është shpallur kampion me Elbasanin, Dinamon dhe Skënderbeun.