Zyrtare/ Markano te Roma: U binda nga projekti!

Ivan Markano është zyrtarisht futbollist i Romës. Verdhekuqtë kanë njoftuar nënshkrimin e marrëveshjes me mbrojtësin 30-vjeçar spanjoll, që ishte në skadencë kontratë me Porton. Markano do të luajë në skuadrën e kryeqytetit italian për tre sezonet e ardhshme, me opsion rinovimin për një vit tjetër, në varësi të paraqitjeve të tij.

“Jam shumë i lumtur, sepse Roma është një klub i madh dhe po punon shumë mirë, me një projekt të mirëpërcaktuar. Besoj se filozofia e lojës së Romës u përshtatet karakteristikave të mia”, ka thënë Marakano pasi është prezantuar.