Më në fund, një lajm i mirë për Kombëtaren Shqiptare dhe trajnerin e ri Sylvinho. Armando Broja, ka lënë pas dëmtimin e rëndë dhe është shfaqur në palestrën e Chelsea-t duke u stërvitur me lojtarët e tjerë të ekipit.
Broja iu nënshtrua një operacioni pas këputjes së ligamenteve dhe mendohej se do të mungonte shumë gjatë, por ky lajm entuziazmoi të gjithë fansat e tij.
Ky është vetëm fillimi i rikuperimit, por mund të mendohet se Broja është në gjysmë të rrugës për t’u rikuperuar plotësisht. Sipas të dhënave, sulmuesi mund të rikthehet në fushën e lojës me skuadrën e Chelsea-t në fund të prillit ose në fillim të majit.
