Tedi Blushi shkruan në profilin e tij në facebook në lidhje me foton në fjalë: “Me “votë” në ballë, i grupit “antikorrupsion” të murrizëve, në pritje të direktivave nga përtej “oqeanit”. I siguruan çunat pushimet edhe për këtë vit!”.
Por burime të ndryshme tregojnë se Rilindja i ka thirrur një e nga një “opozitarët” para votimit për shkarkimin e Metës, duke i dhënë nga këto që ka në ballë ky deputeti “opozitar”, por këtë herë në xhepa!
Një nga shumë prej deputetëve të opozitës që votoi në Parlament pro nismës për shkarkimin e Presidentit është edhe Besnik Troplini. Ai bën pjesë në grupin parlamentar të drejtuar nga Myslim Murrizi dhe shpeshherë ka qenë pjesë e votimeve në favor të mazhorancës socialiste.
Ndërkaq në rrjet ka qarkulluar së fundmi një foto e Troplinit duke festuar me 500 euro në ballë. Kujtojmë se ndaj opozitës së re janë hedhur akuza të forta se janë bërë pjesë e pazareve për të qenë patericë e Rilindjes në Parlament./standard/
