Këtë të hënë po shqyrtohet vlerësimi i masës së sigurisë për Jamarbër Malltezin dhe Fatmir Bektashin. Malltezi prej 21 tetorit ndodhet i arrestuar në qelitë e paraburgimit, ndërsa për ortakun e tij, Bektashi dhe për Sali Berishën është dhënë masa e sigurisë ”detyrim me paraqitje” dhe ”ndalimi i udhëtimit jashtë”. Prokurori Arben Kraja dhe Enkeleda Millonai po hetojnë dosjen e bujshme. Seanca u shty për dy orë pasi avokatët kërkuan kohë për tu njohur me provat.
