Djali i vogël i Trump, Barron, ai nga martesa me Melanian, do të hyjë zyrtarisht në politikë.
Barron Trump është zgjedhur si një nga delegatët e përgjithshëm të Floridës përpara Konventës Kombëtare Republikane. Lista e delegatëve është siguruar nga ABC News.
Për shkak të moshës së vogël, Barron ka qëndruar larg politikës. Janë të pakta rastet kur thjesht ka përshëndetur me dorë tek ngjiste e zbriste shkallët e avionit në kohën e presidencës së Trump.
Anëtarë të tjerë të familjes Trump që kanë luajtur një rol aktiv në fushatën e Trump do të shërbejnë gjithashtu si delegatë, duke përfshirë djemtë më të mëdhenj të Trump, Eric, Don Jr., të dashurën e tij, Kimberly Guilfoyle dhe vajzën e vogël të Trump, Tiffany.
