Gjykata Kushtetuese ka caktuar datën për zhvillimin e seancës gjyqësore, për kërkesën e bërë nga Fredi Beleri.
Kryetari i zgjedhur i Bashkisë Himarë, kërkon shfuqizimin si antikushtetues të vendimit të Gjykatës së Lartë qe nuk i dha leje për t’u betuar si kryebashkiak. Beleri do shfuqizimin edhe të dy vendimeve të gjykatave të posaçme kundër krimit të organizuar dhe korrupsionit datë 1 qershor dhe 22 maj.
Seanca e parë do të mbahet në datën 19 mars. SPAK shpalli disa ditë më parë edhe pretencën për Belerin. Për të, Prokuroria e Posaçme kërkoi dënimin e tij me dy vjet dhe gjashtë muaj burgim.
