Gjenitë lindin dhe vdesin në një datë

14 marsi është një datë që do të mbahet mend gjatë në shkencë, për shkak se është data e lindjes së shkenctarit më të madh të të gjitha kohërave, Albert Einstein.

Ndërsa nga sot do të mbahet mend dhe për vdekjen e atij që shihej si pasuesi i ti, Stephen Hawking. Einstein lindi në 14 mars 1879 në Gjermani dhe më pas emri i tij do të shkruhej me gërma të arta në shkencë.

Nga ana tjetër po sot është ndarë nga jeta në moshën 76-vjeçare fizikanti i njohur Stephen Hawking. Rastësi apo jo, ky largim tregon edhe njëherë se disa fenomene mbeten ende mister.

Idetë e tij shkencore sot udhëheqin kërkimet në fushën më të panjohur të fizikës, gravitacionin kuantik, vrimat e zeza, origjinën e Universit. Stephen ka shkruar tre nga librat më të shitur të kohëve modern, ndërsa ka marrë një sërë çmimesh të rëndësishme ndërkombëtare.