Qeveria e re e Irlandës, një kryeministër homoseksual

Leo Varadkar, është kryeministër i ri i Republikës së Irlandës. Me 50 vota pro dhe 47 abstenime, 38-vjeçari u konfirmua sot në Parlamentin e Republikës së Irlandës si kryeministri më i ri dhe i pari homoseksual.

Varadkar, i biri i një infermiere irlandeze dhe i një doktori nga India, fitoi udhëheqësinë e partisë demokratiko-kristiane “Fine Gael” në fillim të këtij muaji. Në fjalimin e tij në Parlamentin e Irlandës pas zgjedhjes kryeministër, Varadkar u shpreh se: “Jam zgjedhur për të udhëhequr, por premtoj se do të shërbej”.