Borussia Dortmund ka arritur një fitore të rëndësishme 1-0 në duelin e parë ndaj Chelsea-t në fazën me eliminim direkt në Champions League.
Goli i vetëm u shënua nga Karim Adeyemi në minutën e 63-të, me një gol spektakolar duke qenë se e mori kontrollin e topit nga gjysmëfusha e tij. Rezultati nuk ndryshoi deri në fund, por ndeshja e kthimit është e hapur, duke parë dhe minutat pozitive të Chelsea-t në fund, që ju afruan shumë golit me Enzo Fernandez.
Benfica triumfoi në transfertë ndaj Club Brugge me rezultatin 0-2. Ndeshja u zhbllokua nga Joao Mario në minutën e 51-të të pjesës së dytë nga pika e bardhë. Ndërkohë, dy minuta para fundit të lojës shënoi të dytin Neres me portugezët që hedhin një hap të madh për kualifikimin në çerekfinale.
