Publicisti Ilir Demali nuk beson te puna e SPAK, ku para 2 ditësh arrestoi kreun e Bashkisë së Lushnjes.
Për të Tushe nuk është një peshk i madh, por është një mizë në menderen e buallit të korrupsionit shtetëror gjatë 30 viteve.
“Tushe nuk është një peshk i madh, por është një mizë në menderen e buallit të korrupsionit shtetëror në këto 30 vjet. Çdo kriminel që arrestohet është një vënie e drejtësisë dhe një ndëshkim për të krijuar precedent që nuk mund të sillen më kështu me zyrat e pushtetit. Nëse do të shkohet vetëm për të krijuar një imazh të funksionimit të drejtësisë nëpërmjet ndëshkimit, arrestimit, dënimit të zyrtarëve të nivelit të tretë të katërt, kjo nuk do të jetë vendosje e drejtësisë, sepse drejtësia do të vendoset atëherë kur të kapet demi për brirësh, dhe brirët janë pushtetin e lartë”.
