Kreu i bashkisë së Vlorës Dritan Leli refuzon sërish mbledhjen e Këshillit Bashkiak të qytetit bregdetar.
Anëtarët e këshillit bashkiak ashtu siç kishin paralajmëruar janë mbledhur sot për të zhvilluar mbledhjen në ambientet e teatrit “Petro Marko”, por dyert e tij janë mbyllur sërish. Anëtarët e Këshillit bashkiak kanë vendosur që ta zhvillojnë mbledhjen jashtë teatrit, në ambient të hapur. Këshilltarët kanë akuzuar kreun e bashkisë se po shmang përballjen dhe llogaridhënien.
Edhe pse pa praninë e kryetarit të Bashkisë, Dritan Leli, Këshilli Bashkiak është mbledhur në teatrin “Petro Marko” dhe ka miratuar ndihmat ekonomike për qytetarët. Në rend të ditës, ka qenë miratimi i ndihmës ekonomike për familjet në nevojë, e cila është miratuar.
Ndërkohë kryetari i bashkisë, Dritan Leli lajmëroi një ditë më parë se nuk do të ishte i pranishëm në mbledhje, për shkak të agjendës së planifikuar. Ky i fundit e kishte thirrur zhvillimin e mbledhjes një ditë më parë.
