Ish-zv/kryeministri dhe deputet i PS-së, Erion Braçe ka reaguar për një gjobë me vlerë 2.625.000 lekësh me të cilën është ndëshkuar një bujk për ndërtim pa leje.
Braçe shkruan se fermeri në fjalë ka vendosur të ndërtojë një ministallë për tre lopë në hapësirën e një sere në pronësi të tij, por duke mos marrë leje dhe përfundimisht duke u ndëshkuar me gjobën e rëndë.
Ai e cilësoi këtë rast si “të pushkatosh bujkun në mes të fushës”. Po ashtu Braçe ka një thirrje edhe për ministrin për Pushtetin Vendor, Arbjan Mazniku, duke kërkuar që ky i fundit të kalojë ligjin që ka një vit që pret dhe që kushton më pak se këto gjobat e çmendura.
