Juventus rikthehet te fitorja në kampionat pas katër javëve dhe e bën në ndeshjen e javës së 26-të të Serie A ndaj Frosinone-s. Sfida e luajtur në “Allianz Stadium” u mbyll me rezultatin 3-2.
Goli i parë erdhi në minutën e 3-të me Vlahovic që gjeti rrugën drejt rrjetës pas asitit të dhuruar nga McKennie. Miqtë nga ana tjetër gjetën barazimin në minutën e 14-të, me Cheddira-n që shënoi me kokë.
Në minutën e 27-të, Brescianini shënoi golin e dytë për Frosinone-n, që mori avantazhin momental. Vetëm pesë minuta më pas dyshja McKennie-Vlahovic u bënë sërish protagonistë për vendasit, duke shënuar golin e barazimit.
Në pjesën e dytë, Juventus provoi në raste të shumta për të shënuar një tjetër gol, i cili do të vinte në sekondat e fundit me mbrojtësin Rugani. Juventus mban vendin e dytë me 57 pikë.