Dhjetra persona janë mbledhur në sheshin “Skënderbej” për të marshuar më pas drejt Kryeministrisë, në një protestë kundër rritjes së çmimeve. “S’mban më ujë pilafi”, është slogani i protestës së thirrur në rrjete sociale.
Qytetarët dalin në rrugë pas dy muajsh, për të njëjtat arsye që doli për disa ditë me radhë gjatë muajit mars.
Çmimet e produkteve bazë, ndikuar nga kriza pas luftës në Ukrainë, por jo vetëm, janë shtrenjtuar Akoma më shumë. Sipas shifrave të Instat, inflacioni në maj arriti në 6.7%, duke prekur kështu një shifër rekord, më e larta në 20 vite.
