Sergio Ramos është larguar nga Paris Saint Germain pas dy sezoneve për t’u harruar. Qendërmbrojtësi spanjoll ka mbetur lojtar i lirë dhe duket se tanimë ka vendosur se ku do ta vazhdoj karrierën.
Edhe pse flitej për një rikthim të tij te Sevilla, një gjë e tillë nuk do të ndodhë pasi palët nuk kanë gjetur marrëveshje për detajet financiare. Ramos ishte gati të ulte ndjeshëm pagën e tij, por përsëri te Sevilla nuk ishin në gjendje të bënin sakrificë financiare.
Qendërmbrojtësi veteran do vijojë karrierën në Shtetet e Bashkuara të Amerikës. Gazeta katalunase Mundo Deportivo ka raportuar se Sergio Ramos është afër arritjes së marrëveshjes me amerikanët e Los Angeles FC, ekip ku pritet të formojë dyshen e mbrojtjes me Giorgio Chiellinin.
37-vjeçari ka gjetur marrëveshjen totale me klubin amerikan, ku pritet zyrtarizimi. Interesant është fakti se do të kemi sërish duele me Messin.
