Sezoni i ri i Serie A do të fillojë me publik. Nënsekretari i Shëndetësisë, Andrea Costa është i sigurt për këtë gjë.
“Ne biseduam për këtë në mëngjes me ministrin Speranza. Për sezonin e ardhshëm mund t’ju jap lajmin e mirë se do të fillojmë nga 22 gushti me 25% të stadiumeve të mbushura me tifozë.
Do të ketë një progresion gradual për të arritur në javët në vijim me një përqindje rritje të tifozerisë. Sezoni tjetër do të jetë me publikun e pranishëm dhe jo më pak se 25%. Duhet maturi, një ndjenjë përgjegjësie, të cilat asnjëherë nuk kanë munguar te qytetarët italianë”, – tha Costa për “Radio Punto Nuovo”.
