E pabesueshme, Abramoviç nuk e shet Çelsin as për 2 miliard euro

Roman Abramoviç nuk pranon që ta shesë për asnjë kusht Çelsin. Manjati rus ka refuzuar një ofertë të çmendur në vlerën e 2 miliardë e 278 milionë euro. Lajmi është publikuar nga mediat britanike, që i shtojnë një tjetër seri verës së nxehtë rreth bluve. Klubin londinez tentoi ta blinte 65-vjeçari Jim Ratcliffe, njeriu më i pasur i Britanisë së Madhe, pasuria e të cilit vlerësohet të jetë rreth 24 miliardë euro, më tepër se dyfishi i pasurisë që zotëron Abramovich.

Ratcliffe është i njohur si një tifoz i Mançester Junajtid, megjithatë në vitet e fundit ai ka qenë i pranishëm në mënyrë sistematike në tribunat e “Stamford Bridge”. Roman Abramovich, që në vitin 2003 e bleu Çelsin-n për afro 160 milionë euro, duket se e ka refuzuar ofertën për një arsye shumë të thjeshtë: manjati nuk ka ndërmend ta shesë klubin, pavarësisht problemeve me qeverinë britanike që i mohoi rinovimin e vizës, duke e detyruar të marrë shtetësinë izraelite për të zgjidhur pjesërisht problemin.